لاہور(سپورٹس رپورٹر)آسٹریلوی کرکٹ ٹیم نے ٹی ٹونٹی میں نئے ریکارڈز قائم کر دیئے۔سکاٹ لینڈ کیخلاف سیریز کے پہلے ٹی ٹونٹی میں آسٹریلیا نے پاور پلے کا نیا ریکارڈ بنادیا۔ 6 اوورز میں 113 رنز بنائے جو کسی بھی ٹیم کا ٹی ٹونٹی میں پاوور پلے میں سب سے زیادہ سکور ہے۔ایڈنبرا میں کھیلے گئے میچ میں سکاٹ لینڈ نے 9 وکٹ پر ا154رنز بنائے۔آسٹریلوی کے جیک فریزر صفر پر پویلین لوٹ گئے۔مچل مارش اور ٹریوس ہیڈنے پاور پلے کے 6 اوورز میں 113 رنز بنا ئے ‘ مچل مارش نے 12گیندوں پر 39رنز کی اننگز میں 5 چوکے اور 3 چھکے لگائے۔ٹریوس ہیڈ نے 25گیندوں پر 80رنز بنائے ‘پانچ چھکے اور بارہ چوکے لگائے۔انہوں نے آسٹریلیا کی جانب سے ٹی ٹونٹی میں تیز ترین 17 گیندوں پر ففٹی بنائی۔