فیروزوالہ(  نامہ نگار ) کوٹ عبدالمالک سے لاہور جانیوالے تین موٹر سائیکل سواروں احمد،علی رضا اور محسن کو تین ڈاکووں نے بدوپلی کے قریب روک کر لوٹ مار کی کوشش کی تو مزاحمت پر ڈاکووں کی فائرنگ سے احمد گولی لگنے سے زخمی ہو گیا۔ شہریوں نے ایک ڈاکو کو زخمی حالت میں پکڑ لیا دو ساتھی فرار ہو گئے۔ شہریوں نے ڈاکوکی درگت بنا کرپولیس کے حوالے کر دیا۔ کوٹ نور شاہ کے قریب ڈاکووں نے فارم میں ڈکیتی کی واردات پرسکیورٹی گارڈ اور ڈاکوؤں کے درمیان فائرنگ کا تبادلہ ‘ ڈاکو جوے نامی زخمی ہو گیا جسے ہسپتال داخل کرا دیا گیا۔ تھانہ سٹی مرید کے علاقہ ٹمبر مارکیٹ کے قریب تین موٹر سائیکل سوار ڈاکوؤں کی ساجد اور اس کی اہلیہ سے واردات، مبینہ ڈاکوؤں کی فائرنگ‘ پولیس کی جوابی فائرنگ، ڈاکو کی فائرنگ سے ان کا اپنا ساتھی محب ولد پرویز مسیح سکنہ داؤ کے گولیاں لگنے سے زخمی ہو گیا جسے گرفتار کرلیا گیا۔ ڈاکو زخمی ساتھی کو چھوڑ کر فرار ہو گئے۔