لاہور(نیوزرپورٹر) پاکستان مسلم لیگ ن کے صدر ورکن قومی اسمبلی ملک سیف الملوک کھوکھر،  عامر خان نگہت شیخ صبغت اللہ سلطان سمیت دیگر نے کہا نواز شریف کے بغض میں پی ٹی آئی کے لوگ اندھے  ہو چکے ہیں۔ نواز شریف کے بھائی شہباز شریف نے پاکستان کو دیوالیہ ہونے سے بچایا۔پارٹی رہنماؤں سے انہوں نے کہا نواز شریف ملک و قوم کی بات کرنیوالے لیڈر ہیں۔جو گڑھے نالائق اور نکمے لیڈر بانی پی ٹی آئی کھود گیا تھا۔ شہباز شریف انہیں بھر رہے ہیں۔ وہ ملک کی ترقی کیلئے دن رات محنت کررہے ہیں۔ وہ دن دور نہیں جب پاکستان اپنے پاؤں پر کھڑا ہوگا۔ پاکستان کے دیوالیہ ہونے کے خواب دیکھنے والے بس خواب ہی دیکھتے رہ جائیں گے۔