اسلام آباد (نوائے وقت رپورٹ) یوٹیلٹی سٹورز کارپوریشن نے سینکڑوں اشیاء کی قیمتوں میں کمی کا اعلان کیا ہے۔ تمام برانڈز کے گھی اور کوکنگ آئل 6 سے 195 روپے تک سستے کر دیئے گئے۔ ملک پاؤڈر اور پیکڈ دودھ 3 روپے سے 117 روپے سستے کر دیئے گئے۔ تمام برانڈز کی چائے کی قیمتوں میں 3 سے 100 روپے تک کمی کی گئی ہے۔ چٹ پٹے مصالحہ جات کے پیکٹ 9 سے 20 روپے سستے کئے گئے ہیں۔ کھیر مکس 12 روپے، ٹماٹر کیچ اپ 50 روپے سستی کی گئی ہے۔ گرم مصالحہ جات 25 روپے فی کلو سستے کر دیئے گئے ہیں۔