اسلام آباد(این این آئی) رواں مالی سال کے پہلے 2 ماہ میں برآمدات میں 14 فیصد اضافہ ریکارڈ کیا گیا ہے۔ادارہ شماریات کے مطابق 2 ماہ میں برآمدات کا حجم 5  ارب ڈالرسے زائد ریکارڈ کیا گیا ہے جب کہ گزشتہ مالی سال اسی عرصے میں حجم 4 ارب 43 کروڑ ڈالر تھا۔ادارہ شماریات کا بتانا ہے کہ اگست میں ملکی برآمدات میں سالانہ 15.93 فیصد اضافہ ریکارڈ کیا گیا، اسی طرح جولائی میں برآمدات کا حجم 2 ارب 30 کروڑ ڈالر تھا۔ادارہ شماریات کے مطابق 2 ماہ میں ملکی درآمدات کا حجم 8 ارب 62 کروڑ ڈالر رہا ہے۔دوسری جانب اگست میں سالانہ بنیادوں پر درآمدات میں1.25 فیصد کمی ہوئی جبکہ جولائی تا اگست تجارتی خسارے میں 4.20 فیصد کمی دیکھنے میں آئی۔