بلوچستان : موجودہ سیکیورٹی صورتحال, پاک فوج اور سول آرمڈ فورسز کو خصوصی اختیارات دینے کا فیصلہ

اسلام آباد: وفاقی حکومت کی جانب سے بلوچستان میں حالیہ سیکیورٹی صورتحال کے تناظر میں نہایت اہم فیصلہ کرلیا گیا ہے۔ ذرائع نے بتایا کہ حکومت نے بلوچستان میں پاک فوج اور سول آرمڈ فورسز کو خصوصی اختیارات دینے کا فیصلہ کیا ہے. فورسز دہشت گردی کے شبہ میں کسی بھی شخص کوحراست میں لےسکیں گی۔کابینہ نے انسداد دہشت گردی ایکٹ 1997 میں ترمیم کیلئے منظوری دے دی ہے، ترمیم سے فورسز کو دہشت گردی کیخلاف مؤثر آپریشن کیلئے قانونی تحفظ ملےگا۔ذرائع نے مزید بتایا کہ خفیہ اداروں اور قانون نافذ کرنے والے اہلکاروں پر مشتمل مشترکہ تحقیقاتی ٹیمیں تشکیل دی جاسکیں گی۔قومی سلامتی کے لیے خطرات کے حامل افراد کو حراست میں لیا جاسکے گا، دہشت گردانہ سرگرمیوں کے شبہ میں مشتبہ افراد کو حراست میں لیا جاسکے گا۔