لاہور (سپورٹس رپورٹر) پاکستان رگبی یونین نے انگلینڈ سے تعلق رکھنے والے راجر کومبس کو قومی رگبی ٹیم کا ہیڈ کوچ مقرر کیا ہے۔ راجر کومبس گزشتہ رات لاہور پہنچ گئے۔ قومی رگبی ٹیم کی کوچنگ سے قبل لندن آئرش رگبی پریمیئر لیگ میں کوچنگ کرنے کے ساتھ ساتھ اٹلی، امریکہ، نائیجیریا اور کیربین میںبھی کوچنگ کے فرائض سر انجام دے چکے ہےں ۔ پاکستان رگبی یونین کے صدر فوزی خواجہ نے انکی تقرری کو خوش آئیند قرار دیتے ہوئے کہا کہ ان کے تجربے سے پاکستان میں رگبی کے ٹیلنٹ کو بہت فائدہ ہوگا۔ راجر کومبس نہ صرف قومی رگبی ٹیم کی کوچنگ کریں گے بلکہ گراس روٹ لیول سے آنے والے کھلاڑیوں اور جونیئر ٹیم کی کوچنگ بھی کریں گے۔