حافظ آباد: زندگی کی 113 بہاریں دیکھنے والی رحمت بی بی انتقال کرگئیں 100 سے زائد نواسے، نواسیاں، پوتے، پوتیاں

حافظ آباد (نمائندہ نوا ئے وقت)تین صدیاں دیکھنے والی خاتون رحمت بی بی یہاں محلہ شریف پورہ حافظ آباد میں 113برس کی عمر میں انتقال کرگئیں۔ مرحومہ مولانا حکیم عبدالحمیدمیو، حاجی عبداﷲمیو اور حاجی سیف اﷲمیو کی والدہ اور محمد اکرام اﷲکی دادی تھیں۔ پوتے پوتیوں، نواسے، نواسیوں کی تعداد سو سے زائد بتائی جاتی ہے۔ مرحومہ کو سینکڑوں سوگواروں کی موجودگی میں مقامی قبرستان میں سپرد خاک کر دیا گیا۔