شاہ کوٹ: خاتون‘ ٹوبہ ٹیک سنگھ میں لڑکی کو زیادتی کا نشانہ بنا دیا گیا

شاہ کوٹ + ٹوبہ ٹیک سنگھ (نامہ نگار) شاہ کوٹ میں خاتون‘ ٹوبہ ٹیک سنگھ میں لڑکی کو زیادتی کا نشانہ بنا دیا گیا۔ شاہ کوٹ کے نواحی گائوں  نودھا کی رہائشی خاتون (ع ۔ پ) کو گائوں کے اوباش نوجوان شہباز نے اپنی ہوس کا نشانہ بنا ڈالا۔ خاتون ننکانہ سے بچوں کیلئے کتابیں خرید کر واپس گائوں جا رہی تھی راستے میں چاقو سے مسلح گائوں کے شہباز نے اسے چاقو کے زور پر قریبی کھیتوں میں زبردستی لے جا کر زیادتی کا نشانہ بنا دیا۔ پولیس تھانہ صدر نے ملزم کے خلاف مقدمہ درج کر لیا ہے۔ ادھر  ٹوبہ ٹیک  سنگھ میں تھانہ چٹیانہ کے نواحی چک نمبر 401   ج ب کی کنیزاں بی بی نے پولیس کو بتایا اس کی بیٹی (ص) کھیتوں میں چارہ لینے  گئی تو ملزم  عمران نے زبردستی زیادتی کا  نشانہ بنا ڈالا۔ علاوہ ازیں  ثناء نیوز کے مطابق نوشہرہ کے علاقے پبی سے گزشتہ روز اغوا ہونے والی چار سالہ بچی کی نعش مل گئی، میڈیکل رپورٹ میں بچی کے ساتھ زیادتی کی تصدیق کردی گئی۔ذرائع کے مطابق نوشہرہ کے علاقے پبی میں گزشتہ روز نامعلوم افراد نے چار سالہ بچی کو اغوا کرلیا تھا، بچی کی نعش ایک دن بعد پبی کے ایک سنسان علاقے سے ملی۔ پولیس نے نامعلوم ملزمان کے خلاف مقدمہ درج کرکے ملزمان کی گرفتاری کیلئے کارروائی شروع کر دی۔