لاہور(سپورٹس رپورٹر) پاکستان ویٹ لیفٹنگ اور سپورٹس بورڈ پنجاب کے اشتراک سے انٹرنیشنل مینز اور ویمنز ویٹ لیفٹنگ چیمپیئن شپ 2015ء اگلے ماہ لاہور میں منعقد ہوگی۔  9 سے 18 مئی تک منعقد ہونے والی چیمپیئن شپ میںپاکستان ‘ترکی، چائنہ، سعودی عرب، انڈیا، افغانستان، سری لنکا، بنگلہ دیش، نیپال اور یو اے ای کی ٹیمیں حصہ لینگی۔ پاکستان ویٹ لیفٹنگ فیڈریشن کے سیکرٹری امجد امین بٹ نے بتایا کہ چیمپیئن شپ میں پاکستان کی نمائندگی کرنے والی ٹیموں کے انتخاب کے لیے 15 اور 16 اپریل کو پنجاب یونیورسٹی لاہور میں منعقد ہونگے۔ پاکستان ویمن ویٹ لیفٹرز پہلی مرتبہ انٹرنیشنل ایونٹ میں حصہ لے گی۔خواتین ٹیم کیلئے ٹرائل 15 اپریل جبکہ مینزکیلئے 16 اپریل کو ہونگے۔ سلیکشن کمیٹی میں محمد راشد ملک چیئرمین جبکہ ممبران میں اویس اکبر، حافظ عمران بٹ، محمد اظہر، محمد الیاس بٹ، نزہت جبیں اور امجد امین بٹ شامل ہیں۔