لاہور(سپورٹس رپورٹر+نمائندہ سپورٹس) آسٹریلیا میں جاری کامن ویلتھ گیمز میں میڈلز ٹیبل پر انگلینڈ نے برتری حاصل کرلی ہے ۔انگلینڈ نے سونے کے چھ ‘چاندی کے تین اور کانسی کے تین تمغے جیت کر مجموعی طورپر بارہ تمغے جیتے ہیں ۔ آسٹریلیا سونے کے پانچ ‘چاندی کے چار ‘کانسی کے چھ تمغے جیت کر دوسرے نمبر پر ہے ۔ ملائیشیا سونے کے دو تمغوں کیساتھ تیسرے نمبر پر ہے ۔ کینیڈا سونے کا ایک ‘چاندی کے تین ‘کانسی کے تین تمغوں کیساتھ چوتھے ‘سکاٹ لینڈ سونے کا ایک ‘چاندی کے دو اور کانسی کے دو تمغوں کے ساتھ پانچویں نمبر پر ہے ۔ نیوزی لینڈ نے سونے کا ایک ‘چاندی کے دو ‘بھارت نے سونے کا ایک ‘کانسی کا ایک ‘برمودا نے سونے کا ایک ‘جنوبی افریقہ نے سونے کا ایک‘موریشش نے چاندی کا ایک ‘پاپوا نیو گنی نے چاندی کا ایک ‘ویلز نے چاندی کا ایک ‘سری لنکا نے کانسی کے دو اور پاکستان نے کانسی کا ایک تمغہ اپنے نام کیا ہے ۔