اسلام آباد ( وقائع نگار) اسلام آبادانتظامیہ کی زیر نگرانی تین روزہ اسلام آباداسپرنگ فیسٹیول 6اپریل سے شروع ہورہاہے۔اسپرنگ فیسٹیول میں لوگوں کے لئے فیملی تفریح کا انتظام ہے اور رنگارنگ پروگرام ترتیب دیئے گئے ہیں۔ ایف نائن پارک میں فوڈ اسٹال ہونگے۔ میوزک کنسرٹ ہے۔ لیک ویو پارک میں پھولوںکی نمائش کا انعقاد ہوگا۔پہلے دن جگلنگ شوہوگا۔محفل مشاعرہ ہوگا۔راول لیک میں واٹر اسپورٹس کاانتظام ہے۔ واٹراسپورٹس کے مقابلے راول لیک میں ہونگے،8اپریل کو جناح ایونیو پر میراتھن ریس کا مقابلہ ہوگا۔ چڑیا گھر سے دامن کوہ تک سائیکلنگ ریس ہوگی۔ صوفی نائٹ کا انتظام ہے۔ جڑواں شہروںکے شہریوں نے اسلام آباداسپرنگ فیسٹیول کے انعقاد کو خوش آمد ید کہا ہے اور شہریوں کی کثیر تعداداس میں شرکت کریگی۔خصوصی بچوں کے لئے کرکٹ میچ ہوگا۔