لاہور سمیت کئی شہروں میں بارش‘ گڑھ مہاراجہ: آسمانی بجلی گرنے سے نوجوان جاں بحق

لاہور/گڑھ مہاراجہ (نوائے وقت رپورٹ) لاہور سمیت کئی شہروں میں گرج چمک کے ساتھ بارش و آندھی آئی‘ گڑھ مہاراجہ میں آسمانی بجلی گرنے سے نوجوان جاں بحق ہو گیا۔ گڑھ مہاراجہ میںگزشتہ شب علاقہ میں گرج وچمک کے ساتھ آنے والی شدید بارش اور آندھی نے تباہی مچا دی، درختوں کے اکھڑنے کے ساتھ ساتھ بجلی کا نظام بھی درہم برہم ہو گیا۔ نواحی علاقہ نیکو کارہ کا رہائشی نوجوان قلب علی جو بارش سے پچنے کیلئے درخت کے نیچے کھڑا تھا اچانک آسمانی بجلی درخت پر آ گری جس کے نتیجہ میں وہ شدید زخمی ہو گیا جسے ایمرجنسی میں الائیڈ ہسپتال فیصل آباد لے جایا گیا لیکن زخموں کی تاب نہ لاتے ہوئے دم توڑ گیا۔