فتح جنگ+مٹھیال (نامہ نگار) جندال کے مختلف علاقوں جن میں یونین کونسل ناڑہ اور دیگر علاقوں میں ٹدی دل کا حملہ اور ژالہ باری گندم کی فصل کو شدید نقصان پہنچنے سے کسانوں کا سال ضائع ہونے کا خدشہ ہے زمیندار پریشان ہیں سابق چیئرمین یونین کونسل سردار واجد علی خان نے کہا کہ یونین کونسل ناڑہ کے دیہات ناڑہ، پڑی، جسوال، دندی، ماڑی جلوال اور گردونواح میں گندم چنا اور دیگر فصلوں پر گزشتہ دنوں ٹڈی دل کے حملہ سے فصلوں کو شدید نقصان پہنچا ہے اور شدید بارش اور ژالہ باری سے فصلیں شدید متاثرہ ہوئی ہیں اور فصلوں کو شدید نقصان پہنچا ہے جس سے کسان سخت پریشان ہیں سال ضائع ہونے کا خدشہ ہے سارے سال کی محنت ضائع اور فصلیں تباہ ہونے سے کسانوں کو لاکھوں روپے کا نقصان ہونے کا اندیشہ ہے ڈپٹی کمشنر اٹک علی عنان قمر اور اسسٹنٹ کمشنر جنڈ فوری طور پر اس علاقہ کو آفت زدہ قرار دے کر کسانوں کے نقصان کا تخمینہ لگائیں اور متاثرہ کسانوں کو معاوضہ ادا کیا جائے ۔