ڈہرکی: چنگاری سے 7 جھونپڑیاں راکھ، 3 بچے زندہ جل گئے

میرپور ماتھیلو، گھوٹکی(نامہ نگاروں سے) ڈہرکی کے علاقہ داد لغاری کے راجہ فارم میں جھونپڑیوں میں آتشزدگی، تین بچے جھلس کر جاں بحق ہوگئے، 3کو تشویشناک حالت میں رحیم یار خان ہسپتال منتقل کر دیا گیا۔ بتایا جا رہا ہے کہ بھیل برادری کی خواتین اپنی جھونپڑیوں میں کھانا تیار کر رہی تھیں کہ اچانک چنگاڑی ایک جھونپڑی میں جا گری اور آگ نے سات گھروں کو اپنی لپیٹ میں لے لیا، جس کے نتیجے میں پانچ سالہ کارتک جی، چار سالہ کیلاش اور 6سالہ روبینہ جھلس کر جاں بحق ہوگئے، جبکہ ایک بچہ اور دو خواتین میراں اور مائی ڈیلاں کو تشویشناک حالت میں رحیم یار خان ہسپتال کے برنس وارڈمنتقل کیا گیا، علاقہ مکینوں اور متاثرہ خاندان نے اپنی مدد آپ کے تحت آگ پر قابو پایا تمام سامان راکھ کا ڈھیر بن گیا اور متاثرہ افرادکھلے آسمان تلے بے یارو مددگار بیٹھے ہوئے ہیں۔