دبئی(پی پی آئی) آئرش باکسر کا جیت کے ساتھ کیرئیر ختم کرنے کا خواب  شرمندہ تعبیر نہ ہو سکا، اور  کارل فریمپٹن نے سپر فیدر ویٹ میچ ہارنے کے ساتھ ہی ریٹائرمنٹ لے لی، فیصلہ سناتے ہوئے فائٹرخود بھی آبدیدہ ہو گئے۔دبئی میں باکسنگ کا بڑا رِنگ، سپر فیدر ویٹ بیلٹ کے لیے آئرش فائٹر کارل فریمپٹن کا امریکی حریف جیمل ہیرنگ سے جوڑ پڑا۔ جیمل ہیرنگ نے میچ کا آغاز جارحانہ انداز میں کیا، تابڑ توڑ حملوں سے چھٹے راؤنڈ میں ہی ناک آؤٹ کر دیا۔باکسنگ کا عام مقابلہ یکطرفہ فیصلے اور کارل فریمپٹن کی ریٹائرمنٹ کی وجہ سے خاص بن گیا۔