محکمہ موسمیات کے مطابق آئندہ چوبیس گھنٹوں کے دوران خیبرپختونخوا، شمالی بلوچستان، بالائی/ وسطی پنجاب، گلگت بلتستان اور کشمیر میں آندھی/ تیز ہواوں اور گرج چمک کے ساتھ بارش کا امکان ہے۔ بالائی خیبرپختونخوا اور کشمیر میں بعض مقامات پر موسلا دھار بارش جبکہ اس دوران بعض مقامات پر ژالہ باری کی بھی توقع ہے۔ رپورٹ کے مطابق گذشتہ 24 گھنٹوں کے دوران ملک کے بیشتر علاقوں میں موسم خشک جبکہ بالائی خیبر پختونخوا، گلگت بلتستان، کشمیر اور شمالی بلوچستان میں بعض مقامات پر بارش ہوئی ہے۔