حضرت فاطمۃ الزہراؓ کا یوم وفات  مذہبی عقیدت و احترام سے منایا گیا

لاہور (خصوصی نامہ نگار) خاتون جنت سیدہ فاطمۃ الزہرا رضی اللہ عنہا کا یوم وفات مذہبی  عقیدت سے منایا گیا۔ اس سلسلہ میں ملک بھر میں مساجد و امام بارگاہوں میں خصوصی تقریبات کا اہتمام کیا گیا جن میں حسنین کریمین کی والدہ ماجدہ  سیدہ فاطمہ کی عظمت وفضیلت کے موضوعات پر اظہار خیال کیا گیا اور کہا گیا کہ  حضرت سیدہ فاطمہ رضی اللہ تعالیٰ عنہا نے رسول اللہ ﷺ کے گھرانے کو اسوۂ رسول ﷺ پر عمل کرنے کا مظہر بنایا ہے۔