حافظ آباد( نمائندہ  نوائے وقت+نمائندہ خصوصی+ نامہ نگار)حافظ آباد میں محکمہ پاسکو کی جانب سے رواں سال ساڑھے چودہ لاکھ بوری گندم خریدنے کا ٹارگٹ کا مقرر کیا گیا ہے ۔ گندم خریداری کیلئے بوریانوالہ ، اقبال نگر، کالیکی، حافظ آباد، مدینہ چوک، ساون پورہ،فتح پور، جلالپوربھٹیاں،لالکے دھیرنکے،پنڈی باورے، رامکے چٹھہ،پنڈی بھٹیاں، ٹاہلی گورائیہ،ونیکے تارڑ، بھو بھڑا، کوٹ سرور،مچھونکہ،سکھیکی، اور ٹبہ شاہ پہلول میں خریداری مرکز قائم کیے گئے ۔گندم خریداری کے سلسلہ میں ڈپٹی کمشنر محمدآصف رضا کی زیرِصدارت اجلاس ہواجس میںڈپٹی کمشنر نے کہا ضلعی انتظامیہ گندم خریداری کے حوالہ سے محکمہ پاسکو سے ہر ممکن تعاون کریگی۔ اور ماضی کی طرح تمام سنٹرز پر ملازمین کی ڈیوٹیاں اور دیگر انتظامات مکمل ہیں ۔انہوں نے کہا کہ خریداری کا ٹارگٹ ہر لحاظ سے پورا کیا ئیگا۔اجلاس میںپاسکو کے زونل ہیڈ مشتاق احمد شاہد نے بتایا کہ اس سال حافظ آباد سے ساڑھے 14لاکھ بوری گندم خریداری کا ٹارگٹ مقرر ہے اور سرکاری نرخ 2200روپے فن من کے حساب سے گندم خریدی جائیگی انکا کہنا تھا کہ کسانوں اور زمینداروں کو فراہمی کے لیے باردانہ تمام سنٹرز پر پہنچا دیا گیا  ۔