لاہور(نامہ نگار) کیپٹل سٹی پولیس چیف بلال صدیق کمیانہ کی ہدایت پر گداگروں کےخلاف آپریشن شروع کردیا گیا ۔ایس پی ڈولفن زوہیب رانجھا کی نگرانی میں اینٹی بیگری سکواڈ تشکیل دےدیا گیا۔اینٹی بیگری سکواڈ 2 شفٹوں میں فرائض سرانجام دےگا۔ایس پی ڈولفن زوہیب رانجھا نے بتایا کہ3دنوں کے دوران 7آپریشنزکئے گئے۔ 150مرد و زن گدا گروں کو حراست میں لیا اور 54 گدا گروں کو وارننگ دےکر چھوڑدیاا۔ اشاروں،فوڈ پوائنٹس،مارکیٹوں سے 250 سے زائد گدا گرسکواڈ کو دیکھ کر فرار ہوگئے۔گداگروں کےخلاف اکبر چوک، ٹاو¿ن شپ،کیمپس،جی ون،برکت مارکیٹ،والٹن اقبال ٹاو¿ن،مون مارکیٹ،گلشن راوی،لاری اڈہ،سبزہ زار، سمیت دیگر مارکیٹوں میں کارروائیاں کیں اور پیشہ ور بھکاریوں کو گرفتار کرکے تھانوں میں منتقل کیا۔ چوراہوں، اہم مارکیٹوں،اشاروں پر گداگر مافیا کو ڈیرے نہیں ڈالنے دیں گے۔