22 لیگل انسپکٹرز ڈی ایس پی، 47 سینئر کلرکس کو اسسٹنٹ کے عہدوں پر ترقی

لاہور (نامہ نگار) پنجاب پولیس کے22 لیگل انسپکٹرز کو ڈی ایس پی جبکہ 47سینئر کلرکس کو اسسٹنٹ کے عہدے پر ترقی دے دی گئی ہے۔ آئی جی  پولیس ڈاکٹر عثمان انور نے  ترقی پانے والے افسران کو ڈی ایس پی کے رینک لگائے۔ انہوں نے کہا کہ شہریوں کی عزت اور انسانیت کی خدمت کو نصب العین بنائیں تاکہ دنیا و آخرت دونوں میں کامیابی حاصل کرسکیں۔ سنٹرل پولیس آفس، رینجز، اضلاع اور تمام یونٹس میں 10 اپریل سے محکمانہ پروموشن کے دوسرے مرحلے کا آغاز ہو رہا ہے۔  مزید برآں آئی جی پنجاب نے دوران ڈیوٹی بہترین کارکردگی پر پولیس افسران و اہلکاروں کی نقد انعامات اور تعریفی اسناد سے حوصلہ افزائی کی۔