کئی وارداتیں‘ سندرمیں گھر سے ایک کروڑ 29لاکھ روپے ‘زیوارت چوری 

لاہور(نامہ نگار) لاہور کے مختلف علاقوں میں ڈاکوئوں اورچوروں نے ڈکیتی ‘ چوری کی متعدد وارداتوں میں شہریوں سے کروڑوںروپے ‘ زیورات،موبائل فون، موٹر سائیکلیں ،گاڑیاں دیگرسامان لوٹ لیا ۔سندرمیں چوروں نے شعیب کے گھر میں گھس کرایک کروڑ29 لاکھ روپے ‘ زیورات دیگر سامان چوری کرلیا اور فرار ہو گئے ہیں۔شعیب اہلخانہ کے ہمراہ افطاری کیلئے گیا ہوا تھا‘جب وہ گھر واپس پہنچے تو گھرکے دروازوں کے تالے ٹوٹے ہوئے تھے ڈاکوئوں نے ڈیفنس میںفرخ کی فیملی سے5 لاکھ 98 ہزار‘ زیورات ‘ موبائل فون، کاہنہ میں نعمان سے 2 لاکھ 55ہزار‘ موبائل فون،گرین ٹاؤن میں سعد سے ڈھائی لاکھ‘ موبائل فون، ٹاؤن شپ میں احمر سے ایک لاکھ 45 ہزار‘ موبائل فون، ہنجروال میں شاہد سے 25 ہزار ‘ موبائل فون، مزنگ میں ارشاد سے 20 ہزار ‘ موبائل فون،ہنجروال میں راحت سے 15ہزار ‘ موبائل فون لوٹ لیا اورفرار ہوگئے۔چوروں نے باغبانپورہ، برکی،ریس کورس ‘مصطفی ٹاؤن سے 5 گاڑیاں، مغلپورہ سے رکشہ جبکہ سندر،راوی روڈ، شیراکوٹ، مزنگ، لوئر مال، کاہنہ ، گرین ٹاؤن، لٹن روڈ اور شاہدرہ ٹاؤن کے علاقوں سے 10موٹر سائیکلیں چوری کرلی ہیں۔