قبلہ اول کی آزادی کیلئے فتح مکہ کے اصول اپنانے کی ضرورت ہے، اظہار بخاری

راولپنڈی (اپنے سٹاف رپورٹر سے)محمدی مسجد لالکڑتی میں قبلہ اول و فتح مکہ کانفرنس سے خطاب کرتے ہوئے علامہ پیر سید اظہار بخاری نے کہا کہ فتح مکہ پر نبی پاک ؐنے حقو ق انسانی کا حق ادا کر دیا، امت مسلمہ کو قبلہ اول جہاد کا، قبلہ ثانی اتحاد کا حکم دیتا ہے،قبلہ اول کی آزادی کیلئے فتح مکہ کے اصول اپنانے کی ضرورت ہے،یہودی قبلہ اول کے بعد حرمین پر قبضے کی سازشیں کر رہے ہیں، اور ہم ابھی تک قبلہ اول بھی آزاد نہ کرا سکے، مکہ والوں نے چاند کے دو ٹکڑے دیکھے، تو کہامحمد ؐنے جادو کر دیا، پتھروں کو کلمہ پڑھتے دیکھا،تو کہا ان پر جادو کر دیا، جنگ بدر، جند احد میں شکست کھائی، ایمان نہ لائے۔ مکہ فتح ہوا پھر بھی کلمہ نہ پڑھا، لیکن جن کوآپ ؐنے غلاف کعبہ پکڑ کر کہا، جا میں نے تم سب کو معاف کر دیا، تو سب نے کلمہ پڑھ لیا۔ در گزرکرنا، معاف کر دینا بہت بڑا عمل ہے، جسے اپنانے کی ضرورت ہے۔