راولپنڈی(سٹاف رپورٹر)راولپنڈی گورنمنٹ گریجویٹ کالج برائے خواتین بی بلاک میں شجر کاری مہم کے سلسلے میں رنگا رنگ تصویری نمائش کا انعقاد کیاگیاجس میں طالبات نے بھر پور شرکت کی اور رنگوں کے ذریعے شجر کاری کی مہم کو اہم ضرورت کے طور پر اجاگر کیا۔ کالج کی پرنسپل ڈاکٹر فاطمہ گل نے نمائش کا افتتاح کیا اور ملک کیلئے درختوں کی اہمیت پر روشنی ڈالی اور بچوں کے کام کی بے حد حوصلہ افزائی کی۔