قلعہ دیدار سنگھ:ایس ایچ او کا صحافیوں کے اعزاز میں شاندار افطار ڈنر

قلعہ دیدار سنگھ(نمائندہ خصوصی)ایس ایچ او تھانہ عبدالرحمن ڈوگہ نے صحافیوں کے اعزاز میں شاندار افطار ڈنرکا اہتمام کیا۔افطار ڈنر میں سرپرست اعلیٰ پریس کلب عمران بشیر ، جنرل سیکرٹری شہزاد احمدسمیت صحافیوں اور پولیس ملازمین کی بڑی تعداد نے شرکت کی۔اس موقع پر ایس ایچ او عبدالرحمن ڈوگہ نے صحافیوں سے غیر رسمی گفتگو کرتے ہوئے کہا کہ صحافی ہمارے ملک کا چوتھا ستون ہیں، پولیس کی طرح صحافی بھی گرمی،سردی،دھوپ،موسمی حالات سمیت خوشی،غمی کی پرواہ کئے بغیر شہریوں کی خدمت اور لمحہ بہ لمحہ تازہ ترین خبروں سے آگاہ رکھتے ہیں،جس پر وہ شاباش کے مستحق ہیں۔