صحافیوں کیخلاف ایف آئی اے نوٹسز کیس مئی کے دوسرے ہفتے مقرر کیا جائے‘ سپریم کورٹ

اسلام آباد (خصوصی رپورٹر) سپریم کورٹ نے صحافیوں کیخلاف ایف آئی اے نوٹسز کے اجرا اور ہراساں کرنے کیخلاف کیس کی عدالتی کارروائی کا تحریری حکمنامہ جاری کردیا ہے۔ تحریری حکمنامے میں عدالت نے قرار دیا ہے کہ کیس مئی کے دوسرے ہفتے میں سابقہ بنچ کے سامنے ہی مقرر کیا جائے۔ عدالت نے 2022 میں میڈیا ریگولیشن کی پٹیشن دائر کرنے والے چھ درخواستگزاروں کو ذاتی حیثیت میں طلب کر لیا۔ عدالت نے کہا چھ درخواستگزاروں کی جانب سے پٹیشن واپس لینے کی درخواست آئی، کیس کال ہونے پر درخواستگزاروں کی جانب سے کوئی پیش نہ ہوا۔