لاہور (کلچرل رپورٹر) ملک کی نامور فوک گلوکارہ شازیہ خشک نے کہا ہے کہ صوفیانہ کلام سننے والوں کو ذہنی سکون پہنچاتا ہے ، اسی کی بدولت مجھے دنیا بھر میں شہرت ملی ہے ۔ سندھ کے صوفی شاعروں کا کلام ہماری دھرتی پر ایک انعام ہے ان کے کلام میں محبت اور پیار کا پیغام ہمیں سوچنے پر مجبور کردیتا ہے۔اگر ہم اس کا بغور مطالعہ کریں تو ہمیں محسوس ہوتا ہے اس میں کس قدر سچائی ہے، صوفیانہ کلام کی گائیکی کی وجہ سے میری فنی زندگی میں جو تبدیلی آئی ہے اسے لفظوں میں بیان نہیں کیا جاسکتا۔