حیدر آباد (نامہ نگار) ”شکریہ پاکستان آ گیا کپتان“ کراچی سے نکالی جانے والی دو روزہ ریلی حیدر آباد سے ہوتی ہوئی بھٹ شاہ پہنچ گئی‘ ریلی میں بڑی تعداد میں کارکن شریک تھے۔ تحریک انصاف کے رہنماءحلیم عادل شیخ کی قیادت میں کراچی سے شروع ہونے والی ریلی رات گئے حیدر آباد پہنچی جہاں فتح چوک پر پی ٹی آئی کارکنوں نے ریلی کا استقبال کیا اس کے بعد ریلی نے حیدر آباد کے مختلف علاقوں کا دورہ کیا اور شہریوں کے ہمراہ جشن منایا۔ بعدازاں پی ٹی آئی سندھ کے نائب صدر امین اللہ موسیٰ خیل کی رہائشگاہ پر میڈیا سے بات چیت کرتے ہوئے حلیم عادل شیخ نے کہاکہ کاررواں سندھ میں سندھ کے عوام کے ساتھ جشن نانے کےلئے پہلے مرحلے میں دو روزہ پروگرام رکھا گیا ہے جس کے بعد اگلے مرحلے میں دیگر اضلاع میں بھی جائیں گے۔ انہوں نے کہاکہ پی ٹی آئی تین صوبوں میں حکومت بنانے جا رہی ہے۔ بعدازاں ریلی بھٹ شاہ اور میرپور خاص کےلئے روانہ ہو گئی۔
جشن پاکستان کاررواں