کم دبائو والے بادل پاکستان میں داخل ‘پیرسے بدھ تک جم کے برسیں گے:محکمہ موسمیات

اسلام آباد (آئی این پی ) محکمہ موسمیات کا کہنا ہے کہ کم دبائو والے بادل پاکستان میں داخل ‘ ملک میں کہیں بارشوں اورکہیں دھوپ کاسلسلہ جاری ہے ، موسم کا حال بتانے والوں نے پیر سے بدھ تک ملک میں بارشوں کی خوشخبری سنادی ، محکمہ موسمیات کے مطابق آئندہ چوبیس گھنٹے کے دوران ملک کے بیشترعلاقوں میں موسم گرم اور مرطوب رہیگا ، تاہم راولپنڈی، لاہور ، ہزارہ ، گوجرانوالہ ، اسلام آباد اورکشمیر میں بارش کا امکان ہے ۔ گزشتہ روزملک کے بیشتر علاقوں میں موسم گرم اورمرطوب رہا ، تا ہم اسلام آباد اور راولپنڈی میں ایک ملی میٹر بارش ریکارڈ کی گئی،جبکہ دالبدین،چلاس اور نوکنڈی گرم ترین مقام رہے۔