بیجنگ (آئی این پی) چین کی ایک معروف کمپنی چین پاکستان اقتصادی راہداری (سی پیک) پر ایک فلم تیار کرنے کا پروگرام بنا رہی ہے، فلم میں اقتصادی راہداری منصبوے کی کامیابی،چین اور پاکستان کے درمیان دوطرفہ دوستی اور تعاون پر روشنی ڈالی جائیگی۔فلم کا نام’’فلاورسسٹرز‘‘(پھول بہنیں)ہوگا،فلم سچوان چنگ چنگ مووی کلچر اینڈ میڈیا کمپنی تیار کریگی۔فلم اسلام آباد،لاہور اور گلگت میں بھی فلمائی جائیگی۔عوامی جمہوریہ چین کی سٹیٹ اینڈ منسٹریشن برائے نشرواشاعت،ریڈیو،فلم اور ٹیلی ویژن میں منصوبے کی منظوری دیدی ہے۔ جبکہ سچوان کی صوبائی حکومت اس کی پہلے ہی منظوری دے چکی ہے۔ مقامی شراکت دار پاکستان میں فلم کی شوٹنگ کے سلسلے میں سہولتیں فراہم کرینگے۔