لالی وڈکی خوبرو فلمی اداکارہ نادرہ کی 24ویں برسی آج منائی جائے گی

لاہور(یواین پی) لالی وڈکی خوبرو فلمی اداکارہ نادرہ کو مداحوں سے بچھڑے چوبیس برس بیت گئے ان کی24ویں برسی6اگست منگل کو منائی جائے گی اس سلسلے میں فلمی حلقوں میں تعزیتی تقریبات کا اہتمام کیا جائے گا ۔ فلم سٹار نادرہ 80ء کی دہائی کی اردو ،پنجابی فلموں کی ہر دلعزیز اداکارہ تھیں انہیں اللہ تعالیٰ کی طرف سے بے پناہ حسن عطاء ہوا تھا لیکن جینے کیلئے زندگی انتہائی مختصر عطاء ہوئی ۔نادرہ نے اپنے وقت کے مقبول ترین ہیروز کے مقابل بطور ہیروئین ساٹھ سے زائد فلموں میں اداکاری کے جوہر دکھائے۔ ان کی جوڑی مرحوم فلمی ہیرو اسماعیل شاہ کے ساتھ خوب سجتی تھی۔نادرہ کو 6اگست 1995ء کولبرٹی مارکیٹ لاہور میں نامعلوم افراد نے فائرنگ کر کے موت کے گھاٹ اتار دیا گیا تھا ۔