دیر: افغان بارڈر پر سرحد پار سے فائرنگ‘ ایف سی کا نوجوان شہید‘ 2زخمی

اسلام آباد‘ پشاور (سٹاف رپورٹر‘ نوائے وقت رپورٹ) دیر کے علاقے  بن شاہی میں پاک افغان سرحد پر افغانستان کی جانب سے فائرنگ کی گئی۔ افغانستان کی طرف سے مارٹر گولوں اور بھاری ہتھیاروں کا استعمال کیا گیا۔ سول آبادی اور سکیورٹی فورسز کی چیک پوسٹوں کو نشانہ بنایا گیا۔  آئی ایس پی آر کے مطابق پاک افغان بارڈر پر دیر کے علاقے بن شاہی میں سرحد پار سے مارٹر اور بھاری ہتھیاروں سے فائرنگ کی گئی۔ فائرنگ سے ایف سی کا ایک جوان شہید اور دو زخمی ہو گئے۔