لاہور(کلچرل رپورٹر) شوبز کے حلقوں میں یوم استحصال کشمیر بھرپور طریقے سے منایا گیا۔فنکاروں نے کشمیریوں کے اتھ اظہار یکجہتی کیلئے الحمرا سے گورنر ہاؤس تک واک کی۔گلوکاروں نے اس دن کی مناسبت سے ملی نغمے پیش کیے۔ گلوکارہ میگھا نے خصوصی نغمہ تیار کیا ۔کشمیر ڈے کی مناسبت سے گلوکارہ سائرہ نسیم نے ویڈیو پیغام  میں کہا کہ ۔ ظالم بھارت والواپنے مظالم سے کشمیری ماوں کی زبان تو خاموش کرسکتے ہو مگر ان کے خواب نہیں چھین سکتے۔ اداکارہ وینا ملک‘ریما خان ،میگھا، حسیب پاشا، فخر عالم نے بھی کشمیر یوں سے اظہار یکجہتی کیلئے فخرعالم نے کہا کہ کشمیری بنا ڈر کے زندگی گزارنا چاہتے ہیں کیا یہ غلط ہے۔ اداکارہ میگھا نے کہا کہ آزادی کی جدوجہد میں کشمیریوں کیساتھ ہیں۔ حسیب پاشا نے کہا ہے کشمیر پاکستان کی شہ رگ ہے جو پاکستان کا حصہ بن کے رہیگا۔ اداکارہ ریما نے کہا کہ عالمی برادری کو کشمیریوں پر ہونے والے ظلم کا نوٹس لینا چاہیے۔