راولپنڈی(اپنے سٹاف رپورٹر سے) شہریوں کی سہولت کو مد نظر رکھتے ہوئے 15لیاقت باغ کے بعد ٹریفک ہیڈ کواٹرز راولپنڈی میں بھی پولیس خدمت مرکز کا آغاز کیاگیاتا کہ شہری اپنی آسانی کے پیش نظر کسی بھی پولیس خدمت مرکز سے مطلوبہ سہولت حاصل کرسکیں،راولپنڈی شہرمیں 02پولیس خدمت مراکز کے بیک وقت کام کرنے سے نہ صرف شہریوں کو سہولیات حاصل کرنے میں آسانی ہورہی ہے بلکہ انکو کم سے کم فاصلہ طے کرکے سہولیات حاصل کرنے کا موقعہ بھی میسر آرہاہے،خدمت مرکز ٹریفک ہیڈ کوارٹرز کے قیام سے اردگرد کے علاقوں کے شہری جنہیں ان سہولیات کے لیے لیاقت باغ تک کاسفر طے کرنا پڑتاتھا اب اپنے قریبی خدمت مرکز پر جاکر سہولیات حاصل کرسکتے ہیں،جس میں شہریوں کو 14سہولیات ایک چھت تلے فراہم کی جا رہی ہیں۔