ریاض(پی پی آئی)تین سال قبل ایک دوست کی سالگرہ کے موقع پر آئس اسکیٹنگ شروع کرنے والی سعودی لڑکی کا خواب ہے کہ وہ اولمپکس میں حصہ لے۔13 سالہ ملک الشایا کا کہنا تھا کہ تین سال پہلے انہوں نے اپنی دوست کی سالگرہ کے موقع پر آئس ا سکیٹنگ شروع کی تھی اور اسی وقت انہیں اس کھیل سے بہت لگاؤ ہوگیا تھا۔جب میری والدہ نے اس کھیل کے لیے میرا لگاؤ دیکھا تو انہوں نے مجھے آئس اسکیٹنگ کی کلاس میں داخل کروایا۔ میں نے وہاںروز جانا شروع کردیا۔'ان کا کہنا تھا کہ ان کی والدہ نے اس کھیل میں آگے بڑھنے کے لیے ان کی حوصلہ افزائی کی۔