واشنگٹن(صباح نیوز) امریکی ریاست ٹیکساس میں وین حادثے میں 10 افراد ہلاک اور 20 زخمی ہو گئے۔ غیرملکی خبررساں ادارے کے مطابق زخمیوں کو فوری طبی امداد کے لیے  ہسپتال منتقل کر دیا گیا ہے۔انہوں نے کہاکہ ایک سفید فورڈ مسافر وین تیز رفتاری کی وجہ سے حادثے کا شکار ہوئی، جس کا ڈرائیورغلط موڑ لے کر روڈ وے سے ہٹ گیا اور گاڑی ہائی وے پر لگے میٹل کے کھمبے سے جا ٹکرائی۔ ترجمان کے مطابق وین میں 30 افراد سوار تھے جن میں سے 22 تارکین وطن تھے، تاہم کسی مسافر کی شناخت ظاہر نہیں کی گئی۔  ڈی پی ایس ڈیپارٹمنٹ نے حادثے کی تحقیقات کا آغاز کر دیا ہے۔