لاہور (سپورٹس رپورٹر)کشمیر پریمیئر لیگ کے پہلے ایڈیشن کیلئے میچ آفیشلز کا تقرر کردیا گیا ہے۔آئی سی سی ایلیٹ پینل آف امپائرز میں شامل علیم ڈار سمیت گیارہ امپائرز ایونٹ میں فرائض سرانجام دیں گے جن میں آئی سی سی انٹرنیشنل پینل میں شامل احسن رضا، آصف یعقوب، راشد ریاض اور شوزب رضا شامل ہیں۔ پی سی بی ایلیٹ پینل کے تین امپائرز فیصل آفریدی، غفار کاظمی اور امتیاز اقبال کیساتھ ساتھ پی سی بی سپلیمنٹری پینل میں شامل احمد شہاب، ماجد حسین اور محمد ساجد بھی امپائرنگ پینل میں شامل ہیں۔آئی سی سی انٹرنیشنل پینل میں شامل دو پاکستانی میچ ریفریز علی نقوی اور محمد جاوید کیساتھ ساتھ افتخار احمد) اور احمر سعید ٹورنامنٹ کے 19 میچز میں پلیئنگ کنٹرول ٹیم کی سربراہی کریں گے۔ افتتاحی میچ میں آصف یعقوب اور احسن رضا فیلڈ امپائرنگ کی ذمہ داریاں نبھائیں گے، راشد ریاض تھرڈ امپائر اور احمد شہاب کو فورتھ امپائر مقرر کیا گیا ہے جبکہ علی نقوی اس میچ میں میچ ریفری کے فرائض سرانجام دیں گے۔