ملتان (جنرل رپورٹر)انجمن گلوکاران ملتان کے چیئرمین سنگر اعجاز راہی نے کہا ہے کہ سرائیکی خطہ کے سینئر گلوکاروں کی ملتان آرٹس کونسل میں حق تلفی ہو رہی ہے اور سینئر گلوکاروں کو دیوار سے لگایا جارہا ہے جبکہ نام و نہاد فنکاروں، گلوکاروں کو فوقیت دی جارہی ہے جنہیں موسیقی کے متعلق ایک لفظ کا پتہ تک نہیں ہے حالانکہ سابق ریذیڈنٹ ڈائریکٹرملتان آرٹس کونسل محمدعلی واسطی کے دور میں سینئر گلوکاروں کی حوصلہ افزائی ہوا کرتی تھی اوران گلوکاروں کے گھروں میں فاقوں کی نوبت پہنچ چکی  ۔ انہوں نے کمشنر ، ڈپٹی کمشنر ملتان سے مطالبہ کیا کہ وہ اس سلسلے میں فی الفور نوٹس لیں بصورت دیگر سینئر فنکار، گلوکار سڑکوں پر آنے پر مجبور ہو جائینگے۔