نواب شاہ( بیورورپورٹ)14 اگست قریب آتے ہی جشن آزادی کی خوشیاں منانے کے لئے شہر کے درودیوار سبز پرچموں سے سجنے لگے شہر کے مختلف مقامات پر یوم آزادی کے سامان کے اسٹال سج گئے،پاکستان پرچم اوررنگ برنگے بیجز کی خریداری کے لئے شہریوں کا رش امڈآیا،شہر کی فضاء ملی نغموں سے گونجنے لگی  جبکہ گلی گلی نگر نگر سبز ہلالی پرچموں کی بہارآگئی ، 14 اگست کوشایان شان طریقے سے منانے کیلئے نوجوانوں نے مختلف علاقوں میں جشن آزدای سے متعلق پروگراموں کو حتمی شکل دے دی ہے دوسری جانب گلی محلوں میں بڑی اسکرینیں نصب کردی گئیںجہاں اسٹیج پر 1947 کی جنگ آزادی کے لمحات پر مبنی خاکہ پیش کرنے کے ساتھ ملی نغموں اور مزاحیہ مکالموں پر مختلف گروپ پرفارم کرینگے۔