ویمنز ٹی 20 ، سیمی فائنلزآج کھیلے جائیں گے

لاہور(سپورٹس رپورٹر)انگلینڈ کے شہر برمنگھم میں جاری کامن ویلتھ گیمز میں ویمنز ٹی 20 ٹورنامنٹ کی سیمی فائنل لائن اپ مکمل ہوچکی ہے ۔ گروپ اے سے آسٹریلیا اور بھارت اور گروپ بی سے نیوزی لینڈ اور انگلینڈ کی خواتین ٹیمیں سیمی فائنل میں پہنچ چکی ہیں۔ٹورنامنٹ کے دونوں سیمی فائنلزآج برمنگھم میں کھیلے جائیں گے۔ پہلے سیمی فائنل میں انگلینڈ کا مقابلہ بھارتی ٹیم سے ہوگاجبکہ دوسرے سیمی فائنل میں آسٹریلیا اور نیوزی لینڈ کی ٹیمیں آمنے سامنے ہوں گی۔