گوجرانوالہ(نمائندہ خصوصی)ایس ایچ او تھانہ گرجاکھ سب انسپکٹراحمد بلال نے اپنی پولیس ٹیم کے ہمراہ موثر کاروائیاں کرتے ہوئے منشیات فروش اور تاش کے پتوں پر جوا کھیلنے والے نو افرادکو گرفتار کر کے ایک کلو چار سو ساٹھ گرام چرس اور جوئے پر لگی رقم ایک لاکھ اکتالیس ہزار تین سوروپے نقدی اور تاش کے پتے برآمد کرلئے۔اسی طرح ایس ایچ او تھانہ جناح روڈ سب انسپکٹر خرم شہزاد اورایس ایچ او تھانہ لدھیوالا وڑائچ سب انسپکٹر عادل اقبال نے ٹیموں کے ہمراہ کاروائی کرتے ہوئے موٹر سائیکل چور،منشیات فروش اور آتش بازی کا سامان فروخت کرنے والے 7افراد کو گرفتار کر کے 6 موٹر سائیکلیں، پانچ سو ڈبی پٹاخے، پچاس لیٹر شراب،ایک کلو گرام سے زائد چرس اور ناجائز اسلحہ برآمدکرلیا ۔