لاہور(سپورٹس رپورٹر)افغانستان کیخلاف سیریز اور ایشیاکپ کیلئے قومی ٹیم کا اعلان 10اگست تک کئے جانے کا امکان ہے۔ذرائع نے تصدیق کی ہے کہ قومی ٹیم کے سکواڈ کے اعلان کیلئے نئی سلیکشن کمیٹی کی تشکیل پر مشاورت جاری ہے اور اگلے ہفتے میں پی سی بی مینجمنٹ کمیٹی کے سربراہ ذکاء اشرف کی منظوری کے بعد چیف سلیکٹر اور دوسرے ارکان کے ناموں کا اعلان کردیا جائیگا۔افغانستان اور ایشیاکپ کیلئے کھلاڑیوں کے ناموں کو ٹیم مینجمنٹ کی مشاورت کے بعد فائنل کریں گے۔