نوشہروفیروز: علامہ اقبال ایکسپریس کی 2بوگیاں پٹڑی سے اتر گئیں، مسافر محفوظ

اسلام آبا(نمائندہ نوائے وقت)کراچی سے سیالکوٹ جانے والی علامہ اقبال ایکسپریس کی دو بوگیاںپڈعیدن کے قریب پٹڑی سے اتر گئیں،مسافرمعجزانہ طورپر محفوظ رہے۔ریلوے حکام کے مطابق علامہ اقبال ایکسپریس کراچی سے سیالکوٹ جا رہی تھی، اس دوران پڈعیدن کے قریب ٹرین کی دو بوگیاں پٹری سے اتر گئیں۔حکام کے مطابق حادثے کے بعد اپ ٹریک پر ٹرینوں کی آمدورفت معطل ہوگئی جبکہ حادثے میں کوئی جانی نقصان بھی نہیں ہوا۔ریلوے حکام نے بتایا کہ ریلیف ٹرین حادثے کی جگہ پہنچ گئی اور متاثرہ ٹرین کی پچھلی بوگیوں کو پڈعیدن ریلوے سٹیشن پہنچادیا گیا۔حکام کے مطابق ڈی ریل ہونے والی بوگیوں کو ٹریک سے ہٹادیا گیا، ریلوے انتظامیہ نے بتایا کہ ٹریک کو جلد بحال کردیا جائے گا۔دوسری جانب ریلوے پولیس نے بتایا کہ مسافر ٹرینوں کو مختلف ریلوے سٹیشن پر کھڑا کر دیا گیا۔