اسلام آباد (نوائے وقت رپورٹ) الیکشن کمشن نے مخصوص نشستوں پر اپنے اورا علیٰ عدالتوں کے فیصلے ویب سائٹ پرڈال دئیے۔الیکشن کمشن نے دسمبر 2023ء میں پی ٹی آئی انٹرا پارٹی الیکشن کا فیصلہ اپ لوڈ کیا اور الیکشن کمشن نے پشاور ہائیکورٹ کا بھی پی ٹی آئی انٹرا پارٹی الیکشن سے متعلق فیصلہ اپ لوڈ کیا۔اس کے علاوہ الیکشن کمشن نے پی ٹی آئی انٹراپارٹی الیکشن اور انتخابی نشان پرسپریم کورٹ کا 13جنوری کا فیصلہ اپ لوڈ کردیا گیا اور سنی اتحاد کونسل کی مخصوص نشست پر کمشن کا فیصلہ بھی اپ لوڈ کردیا گیا ہے۔الیکشن کمشن کا کہنا ہے کہ 4 فیصلے ان افراد کے لیے اپ لوڈ کیے جو مخصوص نشستوں پر تجزیے میں اپنی رائے دے رہے ہیں۔