کوٹ رادھاکشن‘ چونیاں میں اسسٹنٹ کمشنرزکی قیادت میں یوم استحصال ریلیاں  

کوٹ رادھاکشن+ چونیاں (نمائندہ نوائے وقت+ نمائندہ خصوصی)اسسٹنٹ کمشنرکوٹ رادھاکشن ڈاکٹر انس سعید ‘اسسٹنٹ کمشنر چونیاں طلحہ انوار کی قیادت میں یوم استحصال ریلیاں نکالیں گئی ۔ ریلی میں ملک خالد عمر، اسلم شاہد، ملک احتشام‘ تاجروں‘ ریسکیو 1122، زراعت ، ایری گیشن، میونسپل کمیٹی‘صحافی برادری سمیت تمام محکموں کے افسروں و ملازمین کے علاوہ شہریوں کی بڑی تعدادنے شرکت کی۔اس موقع پر اسسٹنٹ کمشنر ڈاکٹر انس سعید ‘ اسسٹنٹ کمشنر چونیاں طلحہ انوار کا کہنا تھا کہ نہتے کشمیریوں پر بھارتی مظالم پر پوری قوم کشمیریوں کے ساتھ کھڑی ہے ۔5 اگست 2019 تاریخ کا سیاہ دن تھا۔