لاہور(سپورٹس رپورٹر) جوہر ہاکی سٹیڈیم میں کھیلے گئے ہاکی میچ میں ڈچ فلائنگ ہاکی ٹیم نے سخت مقابلے کے بعدڈار اکیڈمی کو4 کے مقابلے میں 5 گول سے شکست دے دی۔ہالینڈ کے ویٹرن پر مشتمل ٹیم نے بہترین کھیل کا مظاہرہ کرتے ہوئے تین مقابلوں کی سیریز میں برتری حاصل کر لی۔کھیل کے پہلے ہاف میں ڈار اکیڈمی کو 2-1 سے سبقت حاصل تھی تاہم دوسرے ہاف میں مہمان ٹیم نے کھیل کے آخری لمحات میں فتح حاصل کر لی ۔میچ کے مہمان خصوصی میاں حمزہ شہباز شریف تھے جن کا ٹیموں کے ساتھ تعارف کرایا گیا۔ مہمان خصوصی نے کھلاڑیوں میں سونئیر تقسیم کئے اس موقعہ پر ڈی جی سپورٹس عثمان انور ،اور ہاکی کے سابق اولمپین بھی موجود تھے۔