ڈیرہ بگٹی + تربت (نوائے وقت رپورٹ + نوائے وقت نیوز) بلوچستان میں ڈیرہ بگٹی کے علاقے پٹ فیڈر میں سکیورٹی فورسز سے فائرنگ کے تبادلے میں 5 حملہ آور جاںبحق ہو گئے۔ نجی ٹی وی کے مطابق فائرنگ کے تبادلے میں ایک اہلکار بھی جاںبحق جبکہ ایک زخمی ہو گیا۔ علاوہ ازیں تربت میں بلدیاتی الیکشن میں نیشنل پارٹی کے بلامقابلہ منتخب ہونے والے 4 امیدواروں کو اغوا کر لیا گیا۔ دریں اثناء عسکری ذرائع کے مطابق پنجگور میں نامعلوم مسلح افراد نے ایف ڈبلیو او کے سیکٹر کمانڈر پر فائرنگ کی تاہم وہ محفوظ رہے۔علاوہ ازیں مکان پر نامعلوم افراد نے تین راکٹ فائر کئے جس میں ایک شخص زخمی ہو گیا۔