لاہور کو ایک بار پھر پھولوں اور باغوں کا شہر بنائیں گے: حمزہ شہباز

 لاہور (خصوصی رپورٹر) رکن قومی اسمبلی حمزہ شہباز شریف نے کہا ہے کہ لاہور کو ایک بار پھر پھولوں اور باغوں کا شہر بنا دیں گے۔  لاہور کو وہی دلکشی اور رعنائی لوٹائیں گے جس کا شہرہ پوری دنیا میں ہے  تفریحی سرگرمیاں ، سپورٹس اور پارکس نے لاہور کو شہر بے مثال بنا دیا ہے۔ پنجاب کے تمام بڑے شہروں میں گل داؤدی اور دیگر پھولوں کی نمائشیں لگائی جائیں گی  حمزہ شہباز  نے ان خیالات کا اظہار جیلانی پارک میں گل داؤدی کی نمائش کے افتتاح پر منعقدہ تقریب سے خطاب کرتے ہوئے کیا۔میڈیا سے گفتگو میں حمزہ شہباز نے کہا  ہماری حکومت پاک دھرتی سے دہشت گردی، لوڈ شیڈنگ اور دیگر مسائل کے ہمیشہ ہمیشہ کے لئے خاتمے کے لئے حتی المقدور کوشش کر رہی ہے۔