قائداعظم ٹرافی سپرایٹ: لاہور بلوز نے وائٹس کو 9وکٹوں سے ہرا دیا

ملتان (سپورٹس ڈیسک) قائداعظم ٹرافی سپرایٹ مرحلہ میں گروپI میں کھیلے گئے میچ میں لاہور بلوز نے لاہور وائٹس کو 9وکٹوں سے قابو کرتے ہوئے 9قیمتی پوائنٹس حاصل کر لئے ہیں۔ یو بی ایل سپورٹس کمپلیکس کراچی میں تین روزہ میچ میں لاہور وائٹس پہلی اننگز میں 141 پر ڈھیر ہو گئی جواب میں لاہور بلوز نے 281 سکور کیا۔ لاہور وائٹس نے دوسری اننگز میں بہتر کارکردگی کا مظاہرہ کرتے ہوئے 207 رنز بنائے۔ انس محمود اور عمیرآصف سے نصف سنچریاں سکور کیں۔ لاہور بلوز کے اعزاز چیمہ7 اور بلاول اقبال نے 2وکٹ لئے۔ لاہور بلوز نے 68رنز کا ہدف ایک وکٹ پر حاصل کرلیا۔ وقاص سلیم نے 21رنز بنائے۔ طیب طاہر41 اور حارث نذر 7پر ناٹ آئوٹ رہے۔ واحد وکٹ وقاص احمد نے حاصل کی۔