ایف فیوچرز ٹینس، عابد، فوئی، ایلکسز، وہنل، ریو نگوچی اور سیڈالوکوارٹر فائنل میں

اسلام آباد ۔ (اے پی پی) سرینا ہوٹلز آئی ٹی ایف فیوچرز ٹینس چیمپئن شپ میں پاکستان کے محمد عابد، چیونگ فوئی، الیکسز، وہنل، ریو نگوچی اور سیڈالو فتوحات برقرار رکھتے ہوئے مینز سنگلز کوارٹر فائنل میں پہنچ گئے، مزمل مرتضیٰ اور احمد چوہدری شکستوں کے بعد ایونٹ سے باہر ہو گئے۔ پی ٹی ایف ٹینس کمپلیکس، اسلام آباد میں جاری ایونٹ میں بدھ کو کھیلے گئے مینز سنگلز پری کوارٹر فائنلز میں پاکستانی کھلاڑی محمد عابد نے عمدہ کارکردگی کا مظاہرہ کرتے ہوئے حریف سربین کھلاڑی ڈارکو جینڈرک کو 7-5 اور 6-0 سے ہرا کر کوارٹر فائنل کیلئے کوالیفائی کر لیا۔ جرمن کھلاڑی خائی وہنل نے پاکستان کے مزمل مرتضیٰ کو ہرا کر کوارٹر فائنل تک رسائی حاصل کی، جنوبی کوریا کے چیونگ فوئی بھی پری کوارٹر فائنل رکاوٹ عبور کرنے میں کامیاب رہے، انہوں نے پاکستان کے محمد عابد علی خان اکبر کو شکست دی۔ چائنیزتائپے کے تائی چن نے پاکستان کے احمد چوہدری کو ہرا کر ایونٹ سے باہر کر دیا۔